बालकृष्ण खाणको भोलिदेखि सुरू गरिने

३१ वैशाख, काठमाडौं । नक्कली भुटानी शरणार्थी प्रकरणमा पक्राउ परेका पूर्वगृहमन्त्री बालकृष्ण खाणको भोलिदेखि बयान हुने भएको छ ।

सरकारी वकिल र प्रहरीले उनका निजी सचिव नरेन्द्र केसी र पूर्वगृहसचिव टेकनारायण पाण्डेको बयान सकेका कारण सोमबारदेखि खाणको बयान लिने भएको हो । 

खाणलाई आजै मात्र हिरासतमा थप ४ दिन राख्न जिल्ला अदालतले म्याद थप गरिदिएको छ । पक्राउ परेका अन्य ११ जनाको बयान भइसकेको बताइएको छ । गत चैत १२ यता खाणसहित १२ जना पक्राउ परेका छन् । अनुसन्धानका लागि खाणको मोवाइल प्रहरीको विज्ञान प्रयोगशालामा पठाइएको छ । 

नेपालीलाई भुटानी शरणार्थी बनाएर अमेरिका उडाउने भनी करोडौं रुपैयाँ ठगी गरेको भनिएको गिरोहसँग खाणको बलियो सम्बन्ध पाइएपछि काठमाडौं प्रहरीले बिहीबार पक्राउ गरिएको थियो ।