सीडीओ र जिल्ला प्रहरी प्रमुखलाई गृहमन्त्रीको कडा निर्देशन

३१ वैशाख, काठमाडौं । उपप्रधानमन्त्री तथा गृहमन्त्री नारायणकाजी श्रेष्ठले ७७ वटै जिल्लाका प्रमुख जिल्ला अधिकारीलाई परिणम देखिने गरी काम गर्न निर्देशन दिएका छन् ।

आइतबार भर्चुअल बैठकमार्फत उनले सीडीओ, प्रहरी प्रमुखहरुलाई कार्यशैली र कार्यपद्दतिमा गुणात्मक परिवर्तन गरी परिणाममा केन्द्रित भएर काम गर्न हुन निर्देशन दिएका हुन् । 

उपप्रधानमन्त्री श्रेष्ठले विपदको पूर्व तयारी, शान्ति सुरक्षाको स्थिति, मिटरब्याज (अनुचित लेनदेन), सीमा सुरक्षा लगायतका विषयमासमेत निर्देशन दिएका थिए । 

देशका सबै जिल्ला प्रशासन कार्यालयहरुले मिटरब्याजीविरुद्ध उजुरी दिन मिटरब्याज पीडितलाई आजसम्मको म्याद दिएको छ ।