नक्कली शरणार्थी प्रकरणमा पक्राउ परेका एमाले सांसद रायमाझीलाई काठमाडौं अदालत लगियाे

१ जेठ, काठमाडौं । नक्कली भुटानी शरणार्थी पक्ररणका फरार आरोपी टोपबहादुर रायमाझीलाई म्याद थप गर्न जिल्ला अदालत काठमाडौंमा उपस्थित गराइएको छ । 

काठमाडौं प्रहरीको सोह्रखुट्टे वृत्तको हिरासतमा राखिएका उनलाई केहीबेर अघि मात्र प्रहरीले अदालतमा उपस्थित गराएको हो । प्रकरणमा सहयोग पुर्याएर मतियारको भूमिका खेलेको आरोपमा उनलाई आइतबार राति बुढानिलकण्ठबाट पक्राउ गरिएको थियो । उनको स्वास्थ्य परीक्षण गएराति नै गराइसकिएको छ ।

आरोपमाथि अनुसन्धान गर्न हिरासतमा राख्नका लागि अदालतबाट प्रहरीले १० दिनको म्याद गर्ने बुझिएको छ । यद्यपि यसघि पक्राउ परेका उच्च उपदस्थ अभियुक्त कांग्रेसका नेता बालकृष्ण खाणलाई पहिलोपटक ४ र दास्रोपटक आइतबार ४ दिनसमेत गरी ८ दिन म्याद दिएको छ । 

प्रकरणमा मुछिएका रायमाझीका पुत्र सन्दीपलाई भने प्रहरीले गएको वैशाख २० गते नै बुटवलबाट पक्राउ गरी काठमाडौं ल्याई अुनसन्धान जारी राखेको छ । प्रकरणमा टोपबहादुरसहित १३ जनालाई पक्राउ परिसकेको छ । 

प्रकरणमा मुछिएका अन्य ३ जना भने अझै पक्रउ पर्न सकेका छैनन् । फरार हुनेहरुमा निरज सिंह राई, प्रतीक थापा र आङटावा शेर्पा रहेका छन् । ति ३ जनामध्ये शेर्पा पूर्वसभासद हुन् । शेर्पाले गत चैत १८ गते प्रकरणका मुख्य नाइके केशव दुलाललगायतसँग हिरासतमा भेट गरेर बयान प्रभावित तुल्याएको र केही पीडितहरुको पैसा समेत फिर्ता गरेको आरोप छ ।