नक्कली भुटानी शरणार्थी प्रकरण राष्ट्रद्रोह होः राजकिशोर यादव

१ जेठ, काठमाडौं । जनता समाजवादी पार्टी (जसपा) नेपालका सांसद राजकिशोर यादवले नक्कली भुटानी शरणार्थी प्रकरणलाई राज्यविरुद्धको अपराध भएको र यसलाई सामान्य रुपमा लिन नहुने बताएका छन् ।

सोमबार प्रतिनिधिसभाको जारी बैठककाे शून्य समयमा बोल्दै सांसद यादवले सो प्रकरण राष्ट्रद्रोहको मुद्द्दा भएकाले गम्भीर रुपमा छानबिन गर्नुपर्ने बताएका छन् ।

‘नक्कली भुटानी शरणार्थी प्रकरणलाई एउटा अपराधको रुपमा मात्रै लिनु हुन्न, यो राष्ट्रद्रोह पनि हो,’ यादवले भने, ‘यस्तो बेलामा सो प्रकरणलाई ढाकछोप गर्ने गरी कार्यहरु हुन खोजेको आशंका उत्पन्न भएको छ, शिर्ष नेताहरुको बैठक यसैलाई कमजोर बनाउन त बसेको छैन रु जनताले आशंका गरेका छन् ।’