पूर्वसांसद बस्नेतको निधनमा प्रतिनिधिसभामा मौनधारण, शोक प्रस्ताव पारित

१ जेठ, काठमाडौं । सोमबार बसेको प्रतिनिधिसभाको बैठकले पूर्वसांसद पुरुषोत्तम बस्नेतको निधनप्रति शोक प्रस्ताव पारित गरेको छ । नेपाली कांग्रेसका नेता एवं पूर्वसांसद बस्नेतको यही दिन निधन भएको थियो ।

निधनमा सभामुख देवराज घिमिरेले राखेको शोक प्रस्तावलाई सदनले पारित गरेको हो । सदनमा दिवंगत बस्नेतको आत्मको चीरशान्तिको कामना गर्दै सांसदहरुले उठेर एक मिनेट मौनधारण गरेका छन् । 

सोलुखुम्बुका कांग्रेसका पूर्वसभापति समेत रहेका बस्नेतकाे गएकाे वैशाख २९ गते काठमाडाैंकाे सिफल हाइटमा आफ्नै निवासमा निधन भएकाे थियाे ।  उनी २०६२/०६६ सम्म कांग्रेसको आमन्त्रित केन्द्रीय सदस्य रहेका थिए । उनले प्रजातन्त्रका लागि ९ वर्ष जेल जीवन पनि बिताएका थिए ।