मौद्रिक नीतिले सबै अपेक्षा पुरा गर्न सक्दैनः गभर्नर
नेपालबहस संवाददाता
जेठ १, २०८० सोमबार १७:२४:५८
१ जेठ,काठमाडौं । नेपाल राष्ट्र बैंकका गभर्नर महाप्रसाद अधिकारीले मौद्रिक नीतिले बजारका सबै अपेक्षा पुरा गर्न नसक्ने बताएका छन् । अधिकारीले वित्त नीति र मौद्रिक नीतिबीच समन्वय आवश्यक रहेकोमा जोड दिएका छन् । सोमबार नेपाल राष्ट्र बैंकको नेपाल राष्ट्रिय कर्मचारी संगठनद्वारा आयोजित अर्थतन्त्रको वर्तमान चुनौती सम्बन्धी कार्यक्रममा उनले मुलुकको अर्थतन्त्रलाई चलायमान बनाउन सरकार र बजारले वित्त नीतिभन्दा पनि मौद्रिक नीतिमा बढी अपेक्षा गरेको बताए ।
मौद्रिक नीतिबाट सरकारले धेरै अपेक्षा गरेपनि यसका सीमा सीमित रहेकाले सबै अपेक्षा समेट्न नसकिएको उनको भनाइ थियो । गभर्नर अधिकारीले राजनीतिक व्यवस्थामा चेक एण्ड ब्यालेन्स भए जस्तै मौद्रिक र वित्त नीतिमा पनि चेक एण्ड व्यालेन्सको आवश्यक रहेको बताए । मुलुकको अर्थतन्त्र रेमिट्यान्समा निर्भर रहेको भन्दै गभर्नर अधिकारीले बैंक तथा वित्तीय क्षेत्रमा नीति र नियमनका कारण आगामी दिन चुनौतीपूर्ण रहेको बताए ।
अर्थतन्त्रलाई लयमा ल्याउनको लागि वित्त नीतिमा ठूलो चुनौती देखिएको भन्दै उनले सरकारले राजश्व संकलन वृद्धि, करको दायरा बढाउने र भन्सारमा सुधारको पहल गर्नुपर्ने बताए । गभर्नर अधिकारीले मुलुक औद्योगिक क्षेत्रको विकासलाई गतिशील बनाउन सरकारले घोषणा गरेका औधोगिक क्षेत्रको पीपीपी मोडल सञ्चालनमा ल्याउन सरकारलाई सुझाव दिए ।
नेपालको अर्थतन्त्रका फरक–फरक खालका विषेशताहरु रहेको भन्दै अर्थतन्त्रलाई चलायमान बनाउन राष्ट्र बैंकले बारम्बार संरचनागत सुधारका कुराहरु उठाइरहेका उनले बताए । मुलुक कतिपय आर्थिक विषयमा परनिर्भर रहने र परनिर्भतालाई केही अन्तरनिर्भतामा जानुपर्ने आवश्यकता रहेको भन्दै गभर्नर अधिकारीले विश्वव्यापी रुपमा नेपालप्रति पनि अन्य देशहरु परनिर्भर रहने कतिपय कुराहरु कामय रहेको बताए ।
उनले भने,‘हाम्रो आन्तरिक उत्पादन कम हुने, वाह्य उत्पादनमा निर्भर रहनुपर्ने प्रचलन छ । हाम्रो आर्थिक नीति पनि आयातमा निर्भर रहनुपर्ने अवस्थामा सरकारले संरचनागत विषयमा छुनुपर्ने छ । राजनीतिक परिर्वतनको लागि लाग्दा मुलुक आर्थिक परिवर्तनमा पछि पछाडि परेको छ । मुलुकको अर्थतन्त्र धेरै हदसम्म रेमिट्यान्समा भर परेको छ । यो वर्ष वाह्य क्षेत्रमा कम्फर्टेबल रहे पनि, बैंक तथा वित्तीय क्षेत्रमा नीति र नियमनका कारण सफल रहे पनि भोलिको लागि चुनौतीहरु रहेका छन् ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपालका वित्तीय संस्थामा समस्या छैनः गभर्नर
चैत १४, २०८० बुधबार
अमेरिकी डलरसँगै युरोको भाउ बढ्यो, अन्यको कति ?
चैत १४, २०८० बुधबार
संयोजक नभेटिएपछि राष्ट्र बैंकले पुनः खुलायो आवेदन
चैत १३, २०८० मंगलबार
नोबेल पुरस्कार विजेता अर्थशास्त्री डानियलको निधन
चैत १५, २०८० बिहिबार
रञ्जिताको इच्छाविपरित सुदूरपश्चिममा नाउपाका ५ मन्त्री
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
ठूलो दुर्घटनाबाट जोगियो श्री एयरको जहाज, ७७ यात्रु सुरक्षित
चैत १५, २०८० बिहिबार
के तपाईलाई थाहा छ, शेर र शेरनीमा को बढी खतरनाक हुन्छ ?
चैत १५, २०८० बिहिबार