इन्टरनेटको मूल्य नबढाउन सेवा प्रदायक कम्पनीहरूलाई दूरसंचार प्राधिकरणको निर्देशन

१ जेठ, काठमाडौं । नेपाल दूरसंचार प्राधिकरणले इन्टरनेट सेवा प्रदायकहरुलाई इन्टरनेट सेवाको शुल्क नबढाउन निर्देशन दिएको छ । मिलेमतोमा शुल्क बढाउन खोजिएको भन्दै बढाए कारवाही गर्ने चेतावनी समेत प्राधिकरणले दिएको छ । 

सोमबार एक विज्ञप्ति जारी गर्दै प्राधिकरणले सहमतिमा इन्टरनेटको शुल्क बढाउँदै आएकामा र मनोमानी ढंगले शुल्क बढाउने काम दूरसंचार ऐन र प्रतिस्पर्धा प्रवर्द्धन तथा बजार संरक्षण ऐनविपरीत हुने स्पष्ट पारेको छ । 

इन्टरनेट सेवा प्रदान गरेबापत ग्राहकसँग लिने शुल्क तथा महसुल दर अनिवार्यरुपमा प्राधिकरणबाट स्वीकृत गराएर मात्रै लिन पाइने स्पष्ट पार्दै बिना स्वीकृति कुनैपनि शुल्क नउठाउन चेतावनी दिएको हो । 

‘इन्टरनेट सेवाको विद्यमान स्वीकृत शुल्करमहशुलदर भन्दा बढी शुल्क लिने गरी प्राधिकरणले हालसम्म कुनै पनि सूचना वा निर्देशन जारी गरेको छैन’ विज्ञप्तिमा उल्लेख छ । 

केही समययता इन्टरनेट सेवा प्रदायक कम्पनीहरु  इन्टरनेटको मूल्य बढाउने तयारीमा जुटेका छन् । बढाउने चर्चा समेत चलाउन थालेपछि प्राधिकरणले चेतावनी दिएको हो ।