कक्षा १२ को परीक्षामा काठमाडौंका १ केन्द्राध्यक्ष बर्खास्त, २ जनालाई सामान्य कारबाही

२ जेठ, काठमाडौं । वैशाख २९ र ३१ गते गते सञ्चालन गरेको कक्षा १२ को वार्षिक परीक्षामा मर्यादाविपरीत कार्य गर्ने ३ केन्द्राध्यक्ष कारवाहीमा परेका छन् । 

एक जनालाई बर्खास्त गरेको छ भने दुई जनालाई सचेत गराएर छोडेको राष्ट्रिय परीक्षा बोर्डले जनाएको छ । टेक्सास ई मावि, मित्रपार्क, काठमाडौँ केन्द्र, सोही क्षेत्रमा रहेको कैलाशकुट बहुमुखी क्याम्पस मित्रपार्क केन्द्राध्यक्ष, कुमारी आवासीय मावि, बौद्ध, काठमाडौँका केन्द्राध्यक्षलाई कारवाही गरिएको हो । 
टेक्सास ई मावि केन्द्राध्यलाई बर्खास्त गरिएको छ भने अन्य २ केन्द्रका अध्यक्षलाक्षलाई उचित परीक्षाको वातावरण कायम गर्न नसकेको भन्दै सचेत गराएको छ । ति केन्द्रहरुबाट मोबाइलमार्फत प्रश्न पत्र खिचेर बाहिर पठाउने र त्यहीबाट उत्तर लेखेर पठाउने गरेको समाचार सार्वजनिक भएको थियो । 

कक्षा १२ को वार्षिक परीक्षा गत वैशाख २६ गतेदेखि सञ्चालन भइरहेको छ ।