काभ्रेपलाञ्चोकबाट राष्ट्रिय कोटिहोम रथयात्रा सुरु
नेपालबहस संवाददाता
जेठ २, २०८० मंगलबार १४:११:३९
२ जेठ, काभ्रेपलाञ्चोक । काभ्रेपलाञ्चोकबाट राष्ट्रिय कोटिहोम रथयात्रा सुरु गरिएको छ । ॐकार फाउन्डेसनले राष्ट्रिय धार्मिक सांस्कृतिक महिमा र गरिमालाई संसारभरि फैलाउने उद्देश्यले आगामी माघ शुल्कपक्षदेखि पनौती नगरपालिका–११ स्थित बल्थलीमा राष्ट्रिय कोटिहोम आयोजना गर्न रथयात्रा सुरु गरिएको जनाएको छ ।
फाउन्डेसनले नेपालको गौरव धर्म, सम्पदा, संस्कृति र प्रकृति नै रहेकाले यी क्षेत्रको थप प्रचार गर्ने जनाउँदै रथगाडी तयार गरी रथयात्राको सुुरुआत गरेको हो । सोमबार साँझ चण्डेश्वरीबाट सुरु गरिएको रथयात्रालाई काभ्रेपलाञ्चोकको मुख्य धार्मिकस्थल पलाञ्चोक भगवती र नाला भगवती हुँदै ७७ जिल्लाका सदरमुकाम एवम् तीर्थस्थलमा जाने योजना बनाइएको संस्थाका मुकुन्द पौडेलले जानकारी दिए । उनका अनुसार रथयात्राका लागि गृहमन्त्रालय र यातायात व्यवस्था विभागबाट स्वीकृतिसमेत लिइएको छ ।
संस्थाले हालै बल्थलीमा एक सय आठ फिट अग्लो २० हजार किलोभन्दा बढी फलाम र तामाद्वारा शिवको त्रिशूल निर्माण सम्पन्न गरेको छ । सोही स्थानमा कोटिहोम आयोजना गर्न लागिएको हो । कोटिहोममा एक लाख किलो ‘चरु’ होम गरिने छ ।
यस्तै, कोटिहोममा एक सय आठ ब्राह्मणले एक महिनासम्म होम गर्नेछन् । कोटिहोमका सङ्कल्पकर्ता मुकुन्द शर्मा हुमागाईंका अनुसार अतिवृष्टि, अनावृष्टि, वातावरण प्रदूषण, भूकम्प, कोरोना महामारीजस्ता व्याधी प्रकोप, अनिकाल, भोकमरीलगायतबाट जोगाउन होम गर्न लागिएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपरम्परागत होली पछ्याउँदै राना थारू समुदाय
चैत १५, २०८० बिहिबार
बागेश्वरी मन्दिरमा तामाको छाना
चैत १४, २०८० बुधबार
रानाथारू समुदायमा होलीको उल्लास
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार