मधेश प्रदेशसभाको बैठक सुरु

२ जेठ, जनकपुरधाम । मधेश प्रदेशको प्रदेशसभा बैठक सुरु भएको छ । करिब एक महिनापछि बैठक बसेको हो । बैठकमा सदस्यहरुले विशेष समय लिएर बोल्ने क्रम जारी राखेका छन् । बैठक तोकिएको समयभन्दा एक घण्टा ढिला सुरु भएको हो ।

बैठकमा विभिन्न मन्त्रालयले विधेयक पेस गर्ने संभावित कार्यसूची रहेको छ । प्रदेश सरकारको नीति तथा कार्यक्रम जेठ १० गते र असार १ गते बजेट ल्याउनुपर्ने कानुनी प्रावधान छ ।