नक्कली भुटानी शरणार्थी प्रकरण : मधेश प्रदेशसभा बैठकमा प्रवेश, दाेषीलाई उन्मुक्ति नदिन माग

२ जेठ, जनकपुरधाम । नक्कली भुटानी शरणार्थी प्रकरणले मधेश प्रदेशसभामा प्रवेश पाएको छ । गृह मन्त्रालयको तत्कालीन नेतृत्व र सचिव समेतको संलग्नतामा नेपाली नागरिकलाई भुटानी शरणार्थी बनाएर अमेरिका पठाउने भन्दै सर्वसाधारणसँग करोडौं रुपैयाँ असुल गरी ठगी गरेको आरोपमा पूर्व गृहमन्त्री बालकृष्ण खाण, सचिव टेक नारायण पाण्डेसहित गिरोहका नाइकेसहित १२ जना पक्राउ परिसकेका छन् । 

प्रहरीले उनीहरुविरुद्ध संगठित अपराध, ठगी कसुरमा अनुसन्धान गरिरहेको छ । प्रकरणमा पक्राउ परेकाहरुमाथि निष्पक्ष छानबिन गरेर राजद्रोह कसुरमा समेत मुद्दा चलाउन भन्दै संघस्य संसदमा सांसदहरुले आवाज उठाइरहेका बेला मंगलबारको मधेश प्रदेशसभा बैठकमा पनि प्रदेश सांसदहरुले कुनैपनि दोषीलाई उन्मुक्ति दिन नहुने धारणा राखेका छन् । बैठक जारी छ ।