गर्भवती बोकेको एम्बुलेन्स ट्रकमा ठोक्किँदा ४ घाइते, २ को अवस्था गम्भीर

२ जेठ, चितवन । गर्भवती बोकेको एम्बुलेन्स ट्रकमा ठोक्दिा ४ जना घाइते भएका छन् । नारायणगढ–मुग्लिङ सडक खण्ड अन्तर्गत रामनगरमा सडकमा रोकिराखेको ना ७ ख ६४ नम्बरको ट्रकमा गर्भवती बोकेको एम्बुलेन्स ठोक्किएको थियो । एम्बुलेन्समा गोरखाबाट भरतपुर आउँदै गरेकी गर्भवती श्रृजना गौतम थिइन् ।

जिल्ला प्रहरी कार्यालय चितवन ट्रकमा ठोक्किएर घाइते भएका मध्ये एम्बुलेन्स चालक गोरखा, सुलिकोट गाउँपालिका– ६का एक बहादुर सुनार र गर्भवती श्रृजना गौतमको अवस्था गम्भिर रहेको  छ भने गर्भवती गौतमको अनुहार र खुट्टामा गहिरो चोट लागेको छ । 

उनका श्रीमान सुदिप गौतम र मिना कोइरालाको अवस्था भने सामान्य रहेको प्रहरीले जनाएको छ । घाइतेहरुको उपचार चितवन मेडिकल कलेज (सीएमसी)मा भइरहेको छ । 

ट्रक चालक हेटौँडा उपमहानगरपालिका–१९ का सुरज श्रेष्ठलाई प्रहरीले नियन्त्रणमा लिएको छ ।