मन्त्रिपरिषद बैठकः मुकेश कायस्थलाई राष्ट्रिय शहीद घोषणा गर्ने निर्णय

२ जेठ, काठमाडौं । सरकारले जिउँदो शहीद भनेर चिनिएका काभ्रे बनेपाका मुकेश कायस्थलाई राष्ट्रिय शहीद घोषणा गरेको छ । मंगलबार बसेको मन्त्रिपरिषदको बैठकले कायस्थलाई राष्ट्रिय शहीद घोषणा गर्ने निर्णय गरेको सरकारकी प्रवक्ता एवं सञ्चार तथा सूचना प्रविधि मन्त्री रेखा शर्माले जानकारी दिइन् ।

२०६२÷०६३ को दोस्रो जनआन्दोलनका क्रममा टाउकोमा सुरक्षाकर्मीको गोली लागेर घाइते भएका काभ्रेका कायस्थको २८ वैशाखमा निधन भएको थियो । गोली लागेदेखि नै अर्धचेत अवस्थामा थिए । पूर्ण उपचार संभव नभएपछि उनलाई घरमै राखेर स्याहर्दै आएका थिए ।