आर्थिक वृद्धिदरः बागमती प्रदेशको सबैभन्दा कम र गण्डकीको धेरै हुने अनुमान

२ जेठ, काठमाडौं । चालु आर्थिक वर्षमा बागमती प्रदेशमा सबैभन्दा कम आर्थिक वृद्धिदर हासिल हुने अनुमान गरिएको छ । केन्द्रीय तथ्यांक कार्यालयका अनुसार कुल गार्हस्थ उत्पादन (जीडीपी)को आकार सबैभन्दा ठूलो रहेको बागमती प्रदेशको आर्थिक वृद्धिदर सबैभन्दा न्यून हुने देखिएको हो ।

चालु आर्थिक वर्ष आर्थिक वर्षमा बागमती प्रदेशको आर्थिक वृद्धिदर १.४ प्रतिशत रहने अनुमान तथ्यांक कार्यालयले गरेको छ । प्रदेशको कुल गार्हस्थ उत्पादन उपभोक्ता मूल्यमा कुल १९ खर्ब ८१ अर्ब ३३ करोड पुग्ने अनुमान गरिएको छ । 

यस्तै चालु आवमा सबैभन्दा धेरै आर्थिक वृद्धिदर भने गण्डकी प्रदेशले हासिल गर्ने अनुमान तथ्यांक कार्यालयको छ । गण्डकी प्रदेशको आर्थिक वृद्धिदर ३.३ प्रतिशत रहने र कुल गार्हस्थ उत्पादन उपभोक्ता मूल्यमा ४ खर्ब ८२ अर्ब पुग्ने अनुमान तथ्यांक कार्यालयले जनाएको छ । गत आर्थिक वर्षको तुलनामा चालु आवमा गण्डकी प्रदेशको आर्थिक वृद्धिदर घटेपनि सबैभन्दा धेरै आर्थिक वृद्धिदर भने गण्डकीकै हुने अनुमान तथ्यांक कार्यालयको । उसको गत आवमा प्रदेशको आर्थिक वृद्धिदर ६.४ प्रतिशत थियो । त्यसपछि बाग्मतीको ६.३ रहेको थियो ।

यस्तै, कोशी प्रदेशको गत आर्थिक वर्षमा ५.५ प्रतिशतको आर्थिक वृद्धिदर रहेको कोशी प्रदेशको आर्थिक वृद्धिदर चालु आर्थिक वर्षमा भने कम हुने अनुमान गरिएको छ । कुल गार्हस्थ उत्पादन कोशीको योगदान ८ खर्ब ४९ अर्ब ६५ करोड पुग्ने अनुमान गरिएको छ ।

मधेश प्रदेशको गत आवको आर्थिक वृद्धिदर गत आर्थिक वर्षमा ४.६ प्रतिशत रहेकामा चालु आवमा ५ प्रतिशत पूग्ने अनुमान छ । गत आर्थिक वर्षमा प्रदेशको आर्थिक वृद्धिदर ५.३ प्रतिशत थियो भने चालु आवमा ५.४ पुग्ने अनुमान छ । सुदुरपश्चिम प्रदेशले गत आवमा ४.८ प्रतिशतको आर्थिक वृद्धिदर हासिल गरेको थियो । चालु आवमा बढ्ने अनुमान गरिएको छ ।