एकीकृत समाजवादीले भ्रष्टाचारविरुद्ध सडक प्रदर्शन गर्ने

३ जेठ, काठमाडौं । नेकपा (एकीकृत समाजवादी)ले भ्रष्टाचारविरुद्ध प्रदर्शन गर्ने जनाएको छ । बिहीबार माइतीघरमण्डलामा विरोध प्रदर्शन गर्ने कार्यक्रम तय भएको पार्टीका प्रचार विभाग प्रमुख जगन्नाथ खतिवडाले जानकारी दिए ।

त्यस्तै नक्कली भुटानी शरणार्थी प्रकरणमा आज प्रधानमन्त्री र गृहमन्त्रीलाई ज्ञापनपत्र बुझाउँदैछ । दिउँसो साढे एक बजे सिंहरबारस्थित मन्त्रालयमा गृहमन्त्री नारायणकाजी श्रेष्ठ र देशभरबाट जिल्ला प्रशान कार्यालयमार्फत प्रधानमन्त्रीलाई ज्ञापन पत्र बुझाउन लागेको खतिवडाले जानकारी दिए ।

अन्य राजनीतिक दलका भातृ संगनठहरुले पनि भ्रष्टाचार र नक्कली भुटानी शरणार्थी प्रकरणको निष्पक्ष छानबिनको माग गर्दै निरन्तर प्रदर्शन गर्दै आइरहेका छन् । राप्रपाले प्रधानमन्त्रीलाई ज्ञापनपत्र बुझाइसकेको छ ।