साफ च्याम्पियनसिपः नेपाल समूह ‘ए’ मा, पहिलो खेल कुवेतसँग खेल्ने

३ जेठ, काठमाडौं । १४औं संस्करणको साफ च्याम्पियनसिपको नेपालको पहिलो खेल कुवेतसँग पर्ने भएको छ । दक्षिण एसियाली फुटबल फेडेरेसन (साफ)ले बुधबार सार्वजनिक गरेको खेलतालिकाले यस्तो देखाएको हो । समूह विभाजनमा नेपाल समूह ‘ए’ मा परेको छ ।

समूहमा नेपाल, कुवेत, पाकिस्तान र आयोजक राष्ट्र भारत छन् । तालिकाअनुसार नेपालले ६ असारमा कुवेतसँग  बैंगलुरुको श्री कान्तीराभा रंगशालामा नेपाली समयअनुसार अपराह्न पौने ४ बजेदेखि प्रतिस्पर्धा सुरु हुनेछ । 

त्यसपछि ९ असारमा सोही रंगशालामा पौने ८ बजे भारतसँग खेल्नेछ । समूहको अन्तिम खेल नेपालले १२ असारमा अपराह्न पौने ४ बजेदेखि सुरु हुनेछ । साफ च्याम्पियनसिपको फाइनल खेल १९ असारमा हुने तालिका छ ।