नक्कली शरणार्थी प्रकरणको पोल खोल्ने ओलीको कार्यक्रम स्थगित

४ जेठ, काठमाडौं । नेकपा एमालेका अध्यक्ष केपी शर्मा ओलीले नेपालीलाई नक्कली भुटानी शरणार्थी बनाएर अमेरिका पठाउने भन्दै भएको ठगी प्रकरणबारे बिहीबार सत्य तथ्य बताउने भन्ने कार्यक्रम स्थगित भएको छ । उनले नक्कली शरणार्थी प्रकरणको अनुसन्धान राजनीतिक कर्मकाण्डी भएको भन्दै आएका छन् । 

ओलीले नक्कली शरणार्थी प्रकरणको अनुसन्धानलाई सतहमा ल्याउने विषय माथि नै असहमति राख्दै आएका छन् । उनले जेठ ४ गतेको संसद बैठकमा नक्कली भुटानी शरणार्थी काण्डबारे आफूलाई सबै कुरा जानकारी भएको र सो कुरा प्रतिनिधिसभा बैठकमा खोल्ने बताएका थिए ।  

अध्यक्ष ओलीको भुटानी शरणार्थी प्रकरणबारे तथ्य खोल्ने घोषणा गरेकै दिन प्रतिनिधिसभा बैठकमा प्रधानमन्त्रीसँग प्रश्नोत्तर कार्यक्रम राखिएकाले उनको सम्बोधन स्थगित भएको बताइएको छ । २८ वैशाखमा पार्टीको केन्द्रीय समिति बैठकमा बोल्दै ओलीले शरणार्थी प्रकरणमा संलग्नको तथ्य प्रस्तुत गर्ने बताएका थिए ।

प्रधानमन्त्रीको प्रश्नोत्तरको दिन अन्य समय नराख्ने भन्दै अध्यक्ष केपी ओलीको सम्बोधन बिहीबार नहुने भएको र अर्काे दिनमा गर्ने गरी स्थगित गरिएको एमालेले जनाएको छ ।