कालिका लघुवित्तले संस्थापक शेयर सर्वसाधरणलाई बिक्री गर्ने

४ जेठ,  काठमाडाैं । कालिका लघुवित्तले संस्थापक शेयर सर्वसाधरणलाई बिक्री गर्न लागेको छ । लघुवित्तका केही संस्थापक शेयरधनीले आफ्नो हिस्साको शेयर बिक्रि गर्न चाहेपछि यसअघि कम्पनीले साविककै शेयरधनीलाई खरिद गर्न सार्वजनिक सूचना जारी गरेको थियो । तर, कुनै पनि संस्थापक शेयरधनिले उक्त शेयर खरिद गर्न आवेदन नदिएपछि कम्पनीले आज पुन व्यक्ति तथा संस्थाहरुको लागि आवेदन माग गरेको हो । 

संस्थापक शेयरधनी रमेश तिवारीले आफ्नो नाममा रहेको ६ हजार ६ सय बिक्ता शेयर बिक्रि गर्न लागेका हुन भने कमलप्रसाद भुसाल र मोति प्रसाद पौडेलले पनि  ५, ५ हजार कित्ता र अर्का शेयरधनी इन्द्र बिक्रम मल्लको नाममा रहेको ३ हजार १ सय कित्ता गरि कुल १९ हजार ७ सय कित्ता शेयर लघुवित्तल बिक्रि गर्न लागेको हो । 

 उक्त शेयर किन्न इच्छुक साविक संस्थापक शेयरधनि बाहेक अन्य व्यक्ति तथा संस्थालाई १५ दिन भित्रमा संस्थाको केन्द्रीय कार्यालय पोखरा कास्कीमा लिखित निवेदन दिन कम्पनीले आग्रह गरेको छ।