मधेश प्रदेशसभाको बैठक बस्दै

४ जेठ, जनकपुरधाम । मधेश प्रदेशसभाको बैठक आज बस्दैछ । आज दिउँसो २ बजे प्रदेशसभाकाे १०औं बैठक बस्न लागेको प्रदेशसभा सचिवायलले जनाएको छ । 

महालेखापरीक्षकको कार्यालयबाट प्रदेश प्रमुख हरिशंकर मिश्रसमक्ष पेस गरिएको वार्षिक प्रतिवेदन २०७९, अर्थमन्त्री सञ्जयकुमार यादवले आजको बैठकमा प्रस्तुत गर्ने कार्यक्रम रहेकाे छ । 

त्यसअघि विशेष समयमा सांसदहरुले समसामयिक विषयमा आफ्नो धारणा राख्ने सम्भावित कार्यसूची रहेको प्रदेशसभा सचिव रञ्जीतकुमार यादवले जानकारी दिए ।