राष्ट्रिय सभामा नीति तथा कार्यक्रममाथि ३ दिन छलफल हुने

४ जेठ, काठमाडौं । सरकारले पेस गर्ने नीति तथा कार्यक्रममाथि राष्ट्रिय सभामा ३ दिन छलफल हुने भएको छ । बिहीबार बसेको राष्ट्रिय सभाअन्तर्गतको कार्यव्यवस्था परामर्श समितिको बैठकले शुक्रबार सरकारले पेस गर्न आगामी आर्थिक वर्षको नीति तथा कार्यक्रममाथि जेठ ७, ८ र ९ गते छलफल गर्ने निर्णय गरेको हो । 

सांसदहरूले छलफल सकेपछि ९ गते नै प्रधानमन्त्री पुष्पकमल दाहाल ‘प्रचण्ड’ले जवाफ दिने कार्यसूची तय गर्ने निर्णय समेत भएको जनाइएको छ । प्रधानमन्त्री प्रचण्डले आज प्रतिनिधिसभा बैठकमा सांसदहरुसँग प्रश्नोत्तर गर्दैछन् । बिहान ११ बजे सुरु हुने भनिएको बैठक अझै सुरु हुन सकेको छैन ।