मल कारखाना निर्माण गर्न सरकार प्रतिवद्ध छ : प्रधानमन्त्री प्रचण्ड

४ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ले मुलुकका सबै सरकारी विद्यालयमा गुणस्तर र रोजगारीमूलक शिक्षा लागू गर्ने बताएका छन् । बिहीबार बसेको प्रतिनिधिसभाको बैठकमा सांसदहरुसँग प्रश्नोत्तर कार्यक्रममा सदनमा उपस्थित भएर जवाफ दिँदै यस्तो बताएका छन् । 

उनलाई सुरुमै सांसद ईश्वरी न्यौपानले शिक्षा, अर्थतन्त्र र कृषिकेन्द्रित प्रश्न गरेकी थिइन् । प्रश्नको जवाफमा उनले शिक्षालाई जीवनपयोगी र गुणस्तर बनाउने नीति सरकारले लिएको बताए । 

साथै उनले नेपाली विद्यार्थी विदेशमा अध्ययनका लागि ६७ अर्ब भन्दा बढी रकम चालु आवमा विदेशिएको र वैदेशिक रोजगारीमा विभिन्न मुलुकमा गएका नेपालीहरुबाट ९ खर्ब ३ अर्ब रुपैयाँ रेमिट्यान्स चालु आवमा भित्रिएको उनले स्पष्ट पारे । 

साथै देशभित्रै रासायनिक मल कारखाना निर्माणका लागि अध्ययन सुरु भइसकेको र अध्ययनको रिपोर्टपछि निर्माण गर्नेतर्फ सरकार लाग्ने उनले बताए ।