प्रधानमन्त्रीको पहिलो पश्नको जवाफ, पढाइका लागि ६७ अर्ब बाहिरियो

४ जेठ, काठमाडौं । प्रतिनिधिसभाको आजको बैठकमा प्रश्नोत्तरका लागि नियम निलम्बन गरि सोधिएको प्रश्नको जवाफ प्रधानमन्त्री पुष्पकमल दाहाल प्रचण्डले दिइरहेका छन् । उनले सोधिएको पहिलो शिक्षा सम्बन्धी प्रश्नको उत्तरमा विदेश पढ्न जाने विद्यार्थीमार्फत् चालु आर्थिक वर्षको पहिलो ९ महिनामा ६७ अर्ब १९ करोड रकम बाहिरिएको बताएका छन् । 

कांग्रेस सांसद ईश्वरी न्यौपानेले सोधेको प्रश्नको जवाफमा उनले पढाइका लागि नेपालीले विदेश जाँदा उक्त रकम बाहिरिएको जानकारी दिएका हुन् ।  सरकारी स्कुलमा अभिभावकको विश्वास घट्दै जाँदा निजी विद्यालयको व्यापार बढ्दै गएको तथा स्वदेशमा रोजगारमूलक शिक्षा नहुँदा विद्यार्थी विदेसिँदा कति रकम बाहिरियो भनेर सांसद न्यौपानेले सोधेको प्रश्नको जवाफमा प्रधानमन्त्रीले पहिलो ९ महिनामा ९०३ अर्ब ३९ करोड रेमिट्यान्स प्राप्त भएको र यहि अवधिमा नेपाली विद्यार्थी विदशेमा पढ्न जाँदा ६७ अर्ब १९ करोड रुपैयाँ बाहिरिएको देखिएको बताए ।