नक्कली शरणार्थी प्रकरणमा अनुसन्धान गर्न रिजाललाई २ दिन थुनामा राख्न अनुमति

४ जेठ, काठमाडौं । नक्कली भुटानी शरणार्थी प्रकरणमा बिहीबार पक्राउ परेका भुटानी शरणार्थी नेता टेकनाथ रिजाललाई २ दिन हिरासतमा राख्न प्रहरीले अनुमति पाएको छ ।

जिल्ला अदालत काठमाडौंले २ दिन हिरासतमा राखेर अनुसन्धान गर्न प्रहरीलाई अनुमति दिएको छ । उनलाई पक्राउपछि जिल्ला सरकारी वकिलको कार्यालय, त्यसपछि अदालत लगिएको थियो ।

अनुसन्धानको क्रममा रिजालको संलग्नता देखिएपछि उनलाई महानगरीय प्रहरी काठमाडौं परिसरले पक्राउ गरेको हो । प्रकरणमा पक्राउ पर्नेको संख्या रिजालसहित १६ पुगेको छ ।