विराटनगरमा एक व्यापारीमाथि खुकुरी प्रहार

४ जेठ, काठमाडौं । मोरङ सदरमुकाम विराटनगरमा बिहीबार दिउँसो एक जना व्यापारीमाथि खुकुरी प्रहार भएको छ ।विराटनगर महानगरपालिका–१३ का ३२ वर्षीय व्यापारी राहुलकुमार रायमाथि ट्राफिक चोक नजिकै खुकुरी प्रहार भएको प्रहरीले जनाएको छ । 

प्रहारबाट रायको हातमा गहिरो चोट लागेको र उनको विराट नर्सिङ होममा उपचार भइरहेको प्रहरीले जनाएको छ । रायको जोगबनीमा किराना पसल रहेको बुझिएको छ । 

खुकुरी प्रहार गर्ने विराटनगर–१२ बस्ने दीपेन्द्र कामतलाई पक्राउ गरिएको छ । कामतमाथि आवश्यक अनुसन्धान भइरहेको जनाएको छ ।