जसपाले मन्त्रीको नाम बुझाउने

४ जेठ, काठमाडौं । जनता समाजवादी पार्टीले आज आफ्नो पार्टीको तर्फबाट प्रधानमन्त्री प्रचण्डलाई मन्त्रीको नाम बुझाउने भएको छ । जसपाले शिक्षा मन्त्रीमा अशोक राइलाई पठाइसकेको छ भने अर्का एक मन्त्रीको नाम पठाउने तयारी गरेको हो । जसपाले शिक्षासहित वन मन्त्रालय पाएको छ । वन मन्त्रीको नाम आज बुझाउन लागेको हो । 

बिहीबार सिंहदरबारमा बसेको संसदीय दलको बैठकमा अध्यक्ष उपेन्द्र यादवले आजसम्म मन्त्रीको नाम प्रधानमन्त्री प्रचण्डलाई बुझाउने जानकारी गराएका थिए । मन्त्रीको नाम पठाउने विषयमा छलफल गर्नका लागि अध्यक्ष यादवले संसदीय दलको बैठक बोलाएका थिए ।