सम्पर्कविहीन भएकी सांसद मञ्जु खाण संसद बैठक झुल्किइन्

५ जेठ, काठमाडौं । पूर्वगृहमन्त्री बालकृष्ण खाण नक्कली भुटानी शरणार्थी प्रकरणमा पक्राउ परेपछि सम्पर्कविहीन बनेकी कांग्रेस सांसद मञ्जु खाण शुक्रबार संसदमा देखिएकी छन् । 

उनी राष्ट्रपति रामचन्द्र पौडेलले सरकारको नीति तथा कार्यक्रम वाचन गर्ने क्रममा आज संघीय संसदका दुवै सदनको संयुक्त बैठकको सहभागी भएकी हुन् । नेपाली कांग्रेसका केन्द्रीय सदस्यसमेत रहेका खाण वैशाख २७ गते पक्राउ परेलगत्तै मञ्जु सम्पर्कविहीन थिइन् । 

बालकृष्ण हिरासतमा परेपछि उनी भारत भएर अष्ट्रलिया पुगेको समाचार बाहिरिएको थियो । नक्कली शरणार्थी प्रकरणमा उनको संलग्नता रहन सक्ने भन्दै प्रहरीले निगरानी गर्नै आइरहेको छ । 

उनी र कांग्रेस सभापति शेरबहादुर देउवा पत्नी आरजु राणालाई नक्कली भुटानी शरणार्थी बनाएर अमेरिका उठडाउने भनी नेपाली युवाहरुसँग ठगी गरी उठाएको रकम बुझाइएको अडियो रेकर्ड सामाजिक संजालमा अझै सुन्न पाइन्छ ।