आगामी दुईवर्ष भित्र सबैको घरमा विद्युत्, विपन्नलाई निःशुल्क मिटर

५ जेठ,काठमाडौं ।  सरकारले दुई वर्षभित्र सबैको घरमा विद्युत् उपलब्ध गराउने घोषणा गरेको छ । सरकारको आर्थिक वर्ष २०९०÷०८१ को नीति तथा कार्यक्रम सार्वजनिक गर्दै राष्ट्रपति रामचन्द्र पौडेलले यसको घोषणा गरेका हुन् । गरिव तथा विपन्न परिवारलाई निःशुल्क विद्युतीय मिटर वितरण गर्ने घोषणा पनि सरकारले गरेको छ ।   

सरकारले वर्षा याममा मासिक ५० युनिट र हिउँदमा मासिक ३० युनिटसम्म विद्युत खपत गर्ने उपभोक्तालाई निःशुल्क विद्युत उपलब्ध घोषणा गरेको छ ।   आगामी आर्थिक वर्ष २०८०/८१ को नीति तथा कार्यक्रममा विद्युत खपत बढाउने योजनासहित यस्तो घोषणा भएको हो ।

नीति तथा कार्यक्रममा २ वर्षभित्र सबै नागरिकको घरमा विद्युत सेवा पुर्‍याउने घोषणा गरेको छ । विपन्न नागरिकको घरमा निःशुल्क बिजुली मिटर जोड्ने घोषणा पनि भएको छ । खाना पकाउने ग्यासलाई विद्युतबाट प्रतिस्थापन गर्ने, हाइड्रोजन इन्धनको उत्पादन सम्भाव्यताको अध्ययन गर्ने लगायतका घोषणा भएको छ ।