प्रेस काउन्सिललाई मिडिया काउन्सिल बनाइने, द्वन्द्वपीडित पत्रकारलाई स्वास्थ्य बीमा

५ जेठ, काठमाडौं । सरकारले प्रेस काउन्सिललाई सञ्चार मिडिया काउन्सिल बनाउने नीति लिएको छ । सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०/०८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले प्रेस काउन्सिललाई सबै सञ्चार क्षेत्रको अनुगमन गर्ने अधिकारसहित मिडिया काउन्सिल बनाउने भएकाे हाे । 

यस निम्ति नयाँ कानुन बनाउने उनले जानकारी दिएका छन् । यसअघि केपी ओली नेतृत्वको सरकारले काउन्सिललाई मिडिया काउन्सिल बनाउने गरी कानुन बनाउने तयारी गर्दा पत्रकार महासंघ र सञ्चारकर्मीहरुले विरोध गरेका थिए । यस्तै, द्वन्द्वपीडित पत्रकारलाई स्वास्थ्य बीमाको सुविधा दिइने जनाएका छन् ।