विदेशमा रहेका नेपालीलाई मतदानको अधिकार दिइने

५ जेठ, काठमाडौं । विदेशमा रहेका नेपालीहरुलाई आवधिक निर्वाचनमा मतदानको अधिकार दिने नीति सरकारले लिएको छ । सरकारले ल्याएको आर्थिक वर्ष २०८०/०८१ को नीति तथा कार्यक्रमलाई शुक्रबार संघीय संसदको संयुक्त बैठकमा  प्रस्तुत गर्दै राष्ट्रपति रामचन्द्र पौडेलले विभिन्न कारणले विदेशमा रहेका नेपाली नागरिकलाई आफू रहेकै मुलुकबाट मतदान गर्न पाउने कानुन बनाएर मतदानको अधिकार दिने बताएका छन् । 

यो विषयलाई विभिन्न राजनीतिक दलहरुले यसअघिदेखि उठाउँदै आएपनि ठोस रुप लिन सकेको छैन । वर्तमान सरकारले यो विषयलाई नीति तथा कार्यक्रममै समेटेको छ । मलेसियामा मात्रै ३ लाख भन्दा नेपाली रहेको अनुमान छ ।