सरकारको आगामी खेल नीतिः ‘एक वडा, एक खेल मैदान’

५ जेठ, काठमाडौं । सरकारले लिएको आगामी खेल नीतिमा ‘एक वडा एक खेल मैदान’लाई समावेश गरेको छ । सरकारले ल्याएको आर्थिक वर्ष २०८०÷०८१ को नीति तथा कार्यक्रमलाई शुक्रबार संघीय संसदको संयुक्त बैठकमा  प्रस्तुत गर्दै राष्ट्रपति रामचन्द्र पौडेलले खेलकुदको विकास र खेललाई गाउँ टोलसम्म पुर्याउने र स्वस्थ नागरिक बनाउने योजनाअनुरुप यस्तो नीति लिएको बताए । 

यस्तै, स्थानीय तहसम्म खेलकुदलाई विकास गर्न ‘एक पालिका, एक कभर्ड हल’ बनाउने उनले बताए । खेललाई जीवनसँग जोडन उचित मात्रामा बजेट छुट्याइने पनि उनले जनाए ।