नक्कली शरणार्थी प्रकरणमा कसैले कसैलाई बचाउन सक्दैनः मन्त्री शर्मा

 ६ जेठ, काठमाडौं । सञ्चार तथा सूचना प्रविधि मन्त्री रेखा शर्माले नक्कली भुटानी शरणार्थी प्रकरणमा कसैले कसैलाई पनि बचाउन नसक्ने बताएकी छन् । उनले सरकारले चाहेर पनि शरणार्थी प्रकरणमा जोडिएकाहरु बच्न नसक्ने बताएकी छन् । नेपाल सरकारका प्रवक्तासमेत रहेकी उनले सरकारले दोषीलाई कारबाही गरेर अघि बढ्ने संकल्प लिएको बताइन् ।  

प्रेस सेन्टर नेपाल, प्रतिष्ठान प्रदेश समितिले शनिबार काठमाडौंमा आयोजना गरेको एक कार्यक्रममा उनले सरकारले राम्रो कामको सुरुआत गरिरहेको दाबीसमेत गरिन् । मन्त्री शर्माले माओवादी मन्त्रीहरूले विगत र अहिले पनि अरू दलका मन्त्रीहरूले भन्दा राम्राे काम गरिरहेको जिकिर पनि गरिन् । 

बदमासी माओवादी पार्टीबाट मन्त्री बनेकाहरूले पनि गरेको हुनसक्ने स्वीकार गर्दै उनले अरु दलका मन्त्रीहरूको तुलनामा भने कम गल्ती गरेको बताइन् । उनले प्रधानमन्त्री पुष्पकमल दाहाल ‘प्रचण्ड’ले आफ्नो तेस्रो कार्यकाल बढी सुझबुझपूर्ण ढंगले अघि बढाएको बताइन् ।