आरजुको उजुरीमा साइबर व्यूरोको छानविनः हाइ प्रोफाइल नबोलेरै उन्मुक्ति
नेपालबहस संवाददाता
जेठ ७, २०८० आइतबार ११:३५:२२
७ जेठ, काठमाडौं । नेपाली नागरिकलाई नक्कली भूटानी शरणार्थी बनाएर अमेरिका पुनर्वास गराउन आर्थिक कारोबार भएको भन्दै पूर्व प्रधानमन्त्री शेरबहादुर देउवा पत्नी एवं कांग्रेस नेतृ आरजु राणा देउवालाई चार्ज लागेपनि अहिलेसम्म त्यसको अनुसन्धान हुन सकेको छैन । आरजु मात्र होइन पूर्व गृहमन्त्री बालकृष्ण खाँण पत्नी एवं सांसद मञ्जु खाँणलाई लागेको चार्जले पनि छुट पाएको छ । त्यही छुटका कारण शुक्रबार संसदको बैठकमा मञ्जु खाँण उपस्थित भएकी थिइन । काठमाडाैं प्रहरीकाे ग्रीन सिग्नल पछि उनी निर्धक्क साथ उपस्थित भएकी हुन् । श्रीमान बालकृष्ण खाँणलाई हिरासतमा भेट्न नजाने तर संसदमा भने उनी उपस्थित भएकी थिइन । संसदमा उनको उपस्थितिलाई प्रहरीले छुट दिएको स्पष्ट देखिन्छ ।
हाइप्रोफाइल संलग्न रहेको भन्दै अडियो सार्वजनिक हुँदा पनि उनीहरूमाथि कुनै छानविन नहुनुले मिलेमतोमै छुट दिएको हो कि भन्ने आशंका जन्मिएको छ । भिन्ना भिन्नै रुपमा सार्वजनिक भएका ती अडियोमा कांग्रेस नेतृ तथा प्रतिनिधिसभा सदस्य आरजु राणा देउवा, पूर्व गृहमन्त्री बालकृष्ण खाँण पत्नी मञ्जु खाँण, वर्तमान अख्तियार दुरुपयोग अनुसन्धान आयोगका प्रमुख आयुक्त प्रेमुकमार राई, तत्कालीन गृहमन्त्री रामबहादुर थापालाई पैसा दिएको स्पष्ट सुन्न सकिन्छ । त्यो अडियोमा सार्वजनिक भएका नाम मध्ये पूर्वगृहमन्त्री बालकृष्ण खाँण, पूर्व गृहमन्त्री थापाका सुरक्षा सल्लाहकार इन्द्रजीत राई, भूटानी शरणार्थी टेकनाथ रिजाल लगायतलाई पक्राउ गर्दा पनि अडियोमा मुछिएका हाइप्रोफाइल वाला पात्रले छुट पाएका छन् । प्रहरीले उनीहरूलाई सामान्य सोधपुछ पनि गरेको छैन ।
पक्राउ परेका व्यक्तिहरूको सवालमा प्रमाण जुटाउनका लागि भएपनि प्रहरीले उनीहरूसँग सामान्य सोधपुछ गर्नुपर्नेमा उनीहरूले छुट पाएका छन् । सो अडियो सार्वजनिक भएपछि आरजु राणाले संसदमा आफ्नो बचाउ गर्दै एउटी महिलाले राजनीतिमा गरेको प्रगतिबारे देखी नसहेको बताएकी थिइन । उनले विभिन्न विद्युतीय सञ्चारमाध्यममा प्रायाेजित अन्तर्वार्ता दिएकी थिइन । त्यति मात्र होइन भुटानी शरणार्थीको आवरणमा भएको ठगी प्रकरणमा बाहिरिएको अडियोको सत्य तथ्य जाँच गर्न माग गर्दै नेपाल प्रहरीको साइबर ब्यूरोमा समेत उनले उजुरी दिएकी थिइन । वैशाख २७ गते बुधबार नेपाल प्रहरीको साइबर ब्यूरोमा लिखित उजुरी दिँदै उनले अडिओको सत्य तथ्य तत्काल सार्वजनिक गरेर दोषीमाथि कारबाहीको माग गरेकी थिइन । ‘विभिन्न सञ्चारमाध्यममा सार्वजनिक गरिएको मेरो कुनै सरोकार र जानकारी नै नभएको नक्कली भुटानी शरणार्थीका सम्बन्धमा मेरो समेत नाम जोडी कुराकानी गरिएको अडिओ रेकर्ड कहाँ, कसरी, कसले र के उद्देश्यले रेकर्ड गरेका हुन् ? उक्त अडिओबारे अत्याधुनिक प्रविधि प्रयोग गरी सत्य तथ्य व्यहोरा तत्काल सार्वजनिक गर्दै दोषीमाथि कानुनअनुसार कडा भन्दा कडा कारबाही होस्,’ उजुरीमा भनिएको थियो । तर प्रहरीले यो विषयमा खासै प्रकृया अघि बढाएको छैन ।
साइबर ब्यूरोमा उजुरी गरेको एक साताभन्दा बढी भएपनि ब्यूरोले त्यो अडियो कसले कहाँबाट कसरी सार्वजनिक भयो भन्ने बारेमा केही पत्ता लगाउन सकेको छैन । आरजुको माग पनि त्यही थियो–त्यो अडियो कसले कुन प्रयोजनका लागि र कहाँबाट प्रसारण गरिएको हो, त्यसको प्राविधिक अनुसन्धान गरि पाउ । तर प्रहरीले प्राविधिक अनुसन्धान गरेपनि त्यसको परिणाम दिन सकेको छैन । साइबर ब्यूरोका प्रवक्ता एसपी पशुपति रायले त्यो उजुरीबारे ब्यूरोले अनुसन्धान गरिरहेको बताए । उनले प्राविधिक पक्षको मात्रै अनुसन्धान गर्ने भएकाले अडियोमा आएका नाम र तथ्यबारे भने काठमाडौं परिसरले अनुसन्धान गरिरहेको बताए ।
‘हामीले प्राविधिक पक्षको मात्रै अनुसन्धान गरिरहेका छौ, केही समय लाग्छ त्यो अडियो कसले कहाँबाट प्रसारण गरेको हो भन्ने पक्षलाई ध्यान दिएर अनुसन्धान गरिरहेका छौ’, एसपी रायले भने । तर अन्य व्यक्तिहरूले भने त्यसरी अडियो परीक्षणका लागि साइबर ब्यूरोलाई उजुरी गरेको पनि पाइएको छैन । नत सार्वजनिक रुपमा खण्डन नै गरेका छन् । रामबहादुर थापाका छोरा प्रतीक थापाका विरुद्ध पक्राउ पुर्जी जारी हुँदा पनि उनले एक शब्द कतै बोलेका छैनन् । साथै प्रेम राईले पनि यो विषयमा औपचारिक खण्डन गरेका छैनन् भने मञ्जु खाँण केही समय बेपत्ता जस्तै भइन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकसरी हुन्छ नेपाल टेलिकमको लाइसेन्स नवीकरणः कानुनमा अडचन छ, आर्थिक लाभ हेर्छन् कर्मचारी ?
बैशाख १५, २०८१ शनिबार
हिमालयन बैंकका सीईओको वार्षिक तलब, भत्ता २ करोड माथि, शेयरधनीलाई छैन लाभांश !
बैशाख १५, २०८१ शनिबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
तीनदिने अनुसन्धनात्मक लेखन कार्यशाला तथा तालिम सुरु
नेपालबहस संवाददाता
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
व्यवसायी घराना ज्योति समूहमाथि चौधरीको आक्रमण, मोटोकर्पका सबै कारोबारमा सिजीको हस्तक्षेप
बैशाख १५, २०८१ शनिबार
अदालतका तहसिलदार विरुद्ध जवरजस्ती करणीमा मुद्दा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
मुग्लिन पोखरा सडक: पूर्वी खण्डमा ५६, पश्चिम खण्डमा २३ प्रतिशत प्रगति
बैशाख १५, २०८१ शनिबार
हेमन्त ‘कान्छा’ र लोचन भट्टाराईको प्रस्तुतिमा पुनः ‘जाउँ साइँली बेनी बजार’ रेकर्ड
बैशाख १५, २०८१ शनिबार
उपप्रधान एवं स्वास्थ्यमन्त्री यादव अमेरिका प्रस्थान
बैशाख १५, २०८१ शनिबार
लगानी सम्मेलनः विगतको तुलनामा यसपटक फरक के ?
बैशाख १५, २०८१ शनिबार
कसरी हुन्छ नेपाल टेलिकमको लाइसेन्स नवीकरणः कानुनमा अडचन छ, आर्थिक लाभ हेर्छन् कर्मचारी ?
बैशाख १५, २०८१ शनिबार
मुम्बई इण्डियन्समाथि दिल्लीको रोमाञ्चक जित
बैशाख १५, २०८१ शनिबार