सरकारकै कमजोरीको भारी यात्री मोटरसाइकल कम्पनीलाई

७ जेठ, काठमाडौं । नेपालम एसेम्बलिङमा बनेको बिद्युतीय मोटरसाइकल यात्रीको दर्ता रोकिएको छ । उपभोक्ताहरुको चरम विरोधपछि सरकारले यात्रायातसम्बन्धी ऐनमा सुधार गरेर हालै मात्र दर्ता प्रक्रिया सुरु गरेपनि अहिले पुनः रोकिएको छ । 

दर्ता गर्न कम्पनीको करचुक्ता गरेको प्रमाणपत्र भएको पुग्ने भनिए पनि यातायात व्यवस्था कार्यालयले विभिन्न कारण देखाउँदै दर्ता रोकेको हो । कार्यालयले  भ्याटबिल तिरेको ३५ दिनभित्रमा दर्ता भएन भने जरिवाना लाग्ने अडान राखेपछि समस्या भएकाे हाे । 

यसै विषयमा सांसद गगनकुमार थापाले आइतबार प्रतिनिधिसभाको बैठकमा शून्य समयमा बोल्दै सरकारकै कमजोरीको भारी उपभोक्ताई थोपर्ने कार्य गलत रहेको भन्दै समस्या तत्काल समधाना गर्न सरकारको ध्यानाकर्षण गराए ।

राष्ट्रिय आविष्कार केन्द्रले यात्री मोटरसाइकल बनाउँदै आएको छ । यात्रीको दर्ता नहुँदा सडकमा ट्राफिकले चालकलाई दर्ता नम्बर नभएको भन्दै सताउने काम गर्दै आइरहेको गुनासो बढदै गइरहेको छ ।