कालापानी फिर्ता ल्याउँछौं भनेर नीति तथा कार्यक्रममै राख्नुपर्छ : सांसद केसी

७ जेठ, काठमाडौं । राष्ट्रिय जनमोर्चाका अक्ष्यक्ष एवं सांसद चित्रबहादुर केसीले नेपाली भूमि कालापानी राष्ट्रियताको विषय भएको बताएका छन् । उनले सरकारले नीति तथा कार्यक्रममाथि संशोधन प्रस्ताव पेस गर्दै छलफलका क्रममा राष्ट्रियताको विषय महत्वसाथ नसमेटिएको भन्दै उनले गुनासो गरे । 

उनले नेपाली भूमि धेरै ठाउँमा छिमेकी मुलुक भारतले अतिक्रमण जारी राखेको बताए । उनले दार्चुलाको कालापानीबाट भारतीय सेना तत्काल फिर्ता गर्नुपर्ने बताउँदै प्रधानमन्त्री निकट भविष्यमा हुन गइरहेको भारत भ्रमणमा यो कुरा जोडदार उठाउन उनले माग गरे । 

उनले नेपालले संघीयता थेग्नै नसक्ने अवस्थामा पुगेको भन्दै उनले सरकारले संघीयता खारेजी नीति लिएको विषय नीति तथा कार्यक्रममा समावेश गर्न सुझाव दिए । 

उनले एमालेका संसदीय दलका नेता केपी शर्मा ओलीप्रति लक्षित गर्दै प्रस्तुत भइसकेको नीति तथा कार्यक्रम फिर्ता हुन नसक्ने बताए ।