सुदूरपश्चिममा शिवशिखर बहुद्देश्यीय सहकारीका पीडित हजाराैं

७ जेठ, काठमाडौं । सुदूरपश्चिम प्रदेशमा शिवशिखर बहुद्देश्यीय सहकारी संस्थाले १६ हजार बचतकर्ताको बचत हिनामिना गरेको खुलेको छ । हिनामिनाको अनुसन्धानका लागि सिआइबीले सम्बन्धित जिल्ला प्रहरी कार्यालयलाई पत्राचार गरेको छ । 

कैलाली जिल्लामा मात्र धनगढी र अत्तरिया, लम्की डडेल्धुरा, कञ्चनपुरको महेन्द्रनगर र बेलौरी, डोटीको दिपायलमा शाखा तथा सेवाकेन्द्र सञ्चालित छन् ।

यी शाखा तथा सेवा केन्द्रमा निक्षेपकर्ताको एक अर्ब ६० करोड बचत रहेको पाइएको छ । तर उनीहरुले बचत रकम फिर्ता पाउन सकेका छैनन् । बचत फिर्ता पाउन उनीहरु समिति नै गठन गरेर संघर्षरत छन् । सञ्चालकलाई पक्राउ गरेर रकम फिर्ताको व्यवस्था मिलाउन सरकारसँग माग गरिरहेका छन् । 
धनगढी शाखा तीन महिनादेखि बन्द छ । यो शाखाले साढे चार करोड मात्र लगानी गरेको पाइएको छ ।