प्रतिवेदन पेश गर्न जिल्ला सरकारी वकिल कार्यलय पुग्यो प्रहरी

 ७ जेठ, काठमाडौं । नेपाल प्रहरीले नेपाली नागरिकलाई नक्कली भुटानी शरणार्थी बनाएर अमेरिका पठाउने प्रकरणमा मुछिएका ३२ जनालाई राज्यद्रोहसहित ठगी र संगठित अपराधमा मुद्दा चलाउन सरकारी वकिलको कार्यालयलाई प्रतिवेदन बुझाउने तयारी गरेको छ । अहिले सबै आरोपीहरुलाई सरकारी वकिलको कार्यालय पुर्याइएको छ । 

यस प्रकरणमा गिरोहले पीडितहरुबाट १ अर्बभन्दा बढी रकम असुलेको भनिएपनि प्रहरीले भने जम्मा २६ करोड रकम ठगिएको दावी पेस गर्दैछ । अनुसन्धानका क्रममा गिरोहले करिब २६ करोड रूपैयाँ ठगी गरेको दाबीसहित सय जनाभन्दा बढीले प्रहरीमा जाहेरी दिएका थिए । गिरोहले १ अर्ब रूपैयाँभन्दा बढी रकम उठाएको अनुमान गरिएको थियो । आरोपित मध्ये उच्च पदस्थ र भुटानी शरणार्थी नेतासहित कम्तीमा पाँच जनामाथि राज्य विरुद्धको अपराधमा समेत मुद्दा चलाउनुपर्ने प्रहरीले निष्कर्ष छ ।