बझाङमा फेरि हिमपहिरो, ३ जना बेपत्ता

७ जेठ, धनगढी । बझाङमा फेरि हिमपहिरो गएको छ । आइतबार बिहान सुर्मा गाउँपालिका–२ धानशेरामा गएको हिमपहिरोमा ३ जना बेपत्ता भएका छन् । दुई जना घाइते भएका छन् । उनीहरु यार्सागुम्बा संकलन गर्न त्यहाँ पुगेको जानकारी आएको प्रहरीले जनाएको छ ।

घटनाको खबरपछि घटनास्थलतर्फ प्रहरी टोली गएको जिल्ला प्रहरी कार्यालय बझाङले जनाएको छ । घटनास्थल पुग्न ३ घण्टा लाग्ने उनले बताए । 
 सशस्त्र प्रहरी बलका प्रहरी नायब निरीक्षक नेतृत्वको टोली घटनास्थलतर्फ गएको जनाइएको छ ।

यसअघि दुई हप्ता पहिले गएको हिमपहिरोमा परी यार्सा संकलक स्थानीयको ज्यान गएको थियो । थुप्रै संख्यामा घाइते भएका थिए ।