सन्दीप लामिछानेको मुद्दामा पीडितको जन्मदर्ता सक्कल फाइल मगाउने आदेश

७ जेठ, काठमाडौं । नाबालिग बलात्कारका अभियुक्त क्रिकेटर सन्दीप लामिछानेको मुद्दामा पीडितको जन्मदर्ता र जन्मिएको प्रमाण पत्रको सक्कल फाइल मगाउने आदेश भएको छ । 

न्यायाधीश फणिन्द्र पराजुलीको एकल इजलासले अन्तिम सुनवाइ गर्दै उक्त मुद्दामा गौशाला २६ को जन्मदर्ता र जन्मिएको प्रमाण पत्रको सक्कल फाइल स्थानीय तह र अस्पतालबाट मगाउने आदेश गरेको जिल्ला अदालत काठमाडौंका सूचना अधिकारी दीपक दाहालले बताए । 

पीडितको जन्म दर्ता दुई वटा पाइएको भन्दै सन्दीपमा वकिलहरूले पीडितको जन्म दर्ताको सक्कल फाइल झिकाउनुपर्ने जिकिर गर्दै आएका थिए । नाबालिग रहेको वा नाबालिग नरहेको विषय टुंगो लागेपछि मात्र अन्तिम फैसला दिने निर्णयमा अदालत पुगेको हो ।