प्रतिनिधिसभा बैठकमा नीति तथा कार्यक्रममाथि छलफल जारी

८ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ले पेस गरेका सरकारको आगामी आव २०८०÷८१ को नीति तथा कार्यक्रममाथि आज प्रतिनिधिसभाको बैठकमा आज पनि छलफल जारी छ । 

बैठकको शून्य समयमा सांसदहरुले समसमायिक विषयमा सम्बन्धित निकाय तथा सरकारको ध्यानाकर्षण गराउने कार्यसूची सकिएपछि नीति तथा कार्यक्रममाथि दलीय प्रतिनिधित्वका आधारमा छलफल सुरु भएको छ । 

अहिले नेकपा (एकीकृत समाजवादी)का संसदीय दलका नेता माधवकुमार नेपालले छलफलमा भाग लिइरहेका छन् । नीति तथा कार्यक्रममाथि छलफल आज दोेस्रो दिन हो । यो बुधबारसम्म चल्ने जनाइएको छ ।

नीति तथा कार्यक्रम राष्ट्रपति रामचन्द्र पौडेलले गएको शुक्रबार संसदको संयुक्त बैठकमा प्रस्तुत गरेका थिए ।