लुम्बिनी प्रदेशमा ३ मन्त्री थपिए, शपथ आजै

८  जेठ, दाङ । लुम्बिनी प्रदेशमा लामो समयपछि मन्त्रिपरिषद् विस्तार भएको छ । मुख्यमन्त्री डिल्ली चौधरीको मन्त्रिपरिषदमा कांग्रेस, जसपा र जनमतबाट एक÷एक जना गरी ३ जना मन्त्री थप भएका छन् । योसहित चौधरी नेतृत्वको प्रदेश सरकारमा ७ सदस्सीय मन्त्रिपरिषद् बनेको छ । 

जसअनुसार कांग्रेसका राजु खनाल स्वास्थ्यमन्त्री, जनमतबाट चन्द्रकेश गुप्ता सामाजिक विकासमन्त्री, जसपाबाट भण्डारीलाल अहिर कृषिमन्त्री बनेका छन् ।

यसअघि बिना विभागीय मन्त्री रहेका नागरिक उन्मुक्तिका धर्मबहादुर चौधरी भौतिक पूर्वाधार मन्त्रालय र लोसपाका सन्तोषकुमार पाण्डेले आन्तिरिक मामिला तथा कानुन मन्लायको जिम्मेवारी तोकिएको छ । यसअघि माओवादीका धनबहादुर मास्कीले आर्थिक मामिला मन्त्रालयले जिम्मा पाएका थिए ।

नवनयिुक्त मन्त्रीहरुको शपथग्रहण बेलुका ४ बजे बुटवलस्थित प्रदेश प्रमुख कार्यालयमा हुने मुख्यमन्त्री सचिवालयले जनाएको छ । प्रदेशमा केही मन्त्रालय रिक्त नै छन् । लुम्बिनीका मुख्यमन्त्री चौधरीले बैशाख १५ गते शपथग्रहण गर्दै चार सदस्यीय मन्त्रीमण्डल विस्तार गरेका थिए ।