सीमा तस्करी रोक्न स्पष्ट नीति ल्याउनुपर्छ : प्रदीप पौडेल

८ जेठ, काठमाडौं । नेपाली कांग्रेसका सांसद प्रदीप पौडेलले सीमा सुरक्षालाई व्यवस्थित बनाउनुपर्ने बताएका छन् । सोमबार प्रतिनिधिसभाको बैठकमा सरकारको नीति तथा कार्यक्रममाथि धारणा राख्दै बजारमा तस्करीका सामानले किसानका उत्पादनलाई विस्थापितको अवस्थामा पुर्याएको बताए । 

सरकारले नीति तथा कार्यक्रममा सीमा सुरक्षाबाट हुने तस्करीलाई नियन्त्रण गर्ने ठोस कार्यक्रम ल्याउनुपर्ने बताए । उनले नीति तथा कार्यक्रममा धेरै विषय समेटिए पनि थुप्रै विषय छुटेको औल्याए ।

भ्रष्टाचारी र राज्यविरुद्धको तहसम्म अपराध गर्नेहरुमाथि सरकारले सुरु गरेको अनुसन्धान र छानिबन कार्य क्रान्तिकारी भएको बताए । नक्कली भुटानी शरणार्थी प्रकरणलाई टुंगामो पुर्याउन सरकारसँग माग गरे ।