ज्यान मुद्दाका फरार अभियुक्त २० वर्षपछि पक्राउ

७ जेठ, काठमाडौं । २० वर्षअघि एक युवकको हत्या गरेको अभियोगका अभियुक्त अभिका अभियुक्तलाई प्रहरीले पक्राउ गरेको छ । पक्राउ पर्नेमा रामेछापकाे सुनापति गाउँपालिका–४ का वाङ्गे आले भनिने बिरासलाल तामाङ रहेका छन् । उनीमाथि रामशरण घिमिरे खत्रीको हत्या गरेको फरार रहेको अभियोग छ । 

अभियुक्त तामाङले २०६० मंसिर ४ गते बेलुका करिब साँझ ६ बजेतिर सुनापति गाउँपालिका–४ (साविक बेथान गाविस–७) भञ्ज्याङटारस्थित चौँरी खोलाको पुलनजिकै २७ वर्षीय खत्रीलाई कुटपिट गरेर हत्या गरी सुनकोशी फालेर भागेका थिए । 

खत्रीका परिवारका सदस्य तामाङविरुद्ध जिल्ला प्रहरी कार्यालय रामेछापमा किटानी जाहेरी दर्ता गराएका थिए । जाहेरीका आधारमा निरन्तर खोजी गर्ने क्रममा तामाङलाई जिल्ला प्रहरी कार्यालय रामेछाप र ईलाका प्रहरी कार्यालय बेथानबाट खटिएको बिशेष प्रहरी टोलीले गाँउ टोलमा आएर लुकिछिपी बसिरहेको अवस्थामा पक्राउ गरेको बताइएको छ ।

तामाङलाई जिल्ला अदालत रामेछापबाट कर्तव्य ज्यानसम्बन्धी कसुरमा म्याद थप गरेर हिरासतमा राखी अनुसन्धान गरिरहेको जिल्ला प्रमुख प्रहरी प्रमुख होमबहादुर पराजुलीले बताए ।