ओखलढुंगामा पनि लम्पी स्किन फेला, तत्काल उपचारकाे व्यवस्था गर्न माग

९ जेठ, काठमाडौं । चौपायालाई लाग्ने लम्पी स्किन रोग ओखलढुंगामा पनि देदखएको छ । कर्णाली र सुदूरपश्चिम प्रदेशमा व्याप्त बनेबाट सयौं संख्यामा गाई भैंसी मरेको अवस्थाबीच वाग्मती प्रदेशको ओखलढुंगामा पनि देखिएको हो । 

मंगलबार प्रतिनिधिसभाको बैठकमा शुन्य समयमा बोल्दै सांसद रामहरि खतिवडाले ओखलढुंगामा देखिएको लम्पी स्किनले थुप्रै गाई भैंसी बिरामी परेको र केही संख्यामा मरिसकेको बताए । रोगको रोकथाम र उपचारका लागि तत्काल व्यवस्था गर्न सरकारको ध्यानाकर्षण गराए ।

यो रोग लाग्दा पशुको शरीरभिर फोका उठ्ने र उच्च मात्रामा ज्वरो आउने गर्छ । तत्काल उपचार नपाए मर्ने स्थितिमा पुग्दछ ।

साथै सांसद खतिवडाले सर्वोच्च अदालतमा प्रधानन्यायाधीश तत्काल नियुक्त गर्न माग गरे । संवैधानिक परिषद्ले प्रन्यामा कामु प्रन्या हरिकृष्ण कार्कीलाई नियुक्तिका लागि सिफारिस गरिसकेको छ । तर संसदीय सुनुवाइ समिति गठन हुन नसक्दा कार्कीको नियुक्ति हुन सकेको छैन ।