प्रचण्ड नेतृत्वको सरकारले पायो पूर्णणता, थपिए एक मन्त्री र राज्यमन्त्री

९ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ नेतृत्वको मन्त्रिपरिषदमा थप एक मन्त्री र राज्यमन्त्री नियुक्त भएका छन् । योसँगै मन्त्रिपरिषद्ले पूर्णता पाएको छ । 

प्रधानमन्त्री प्रचण्डको सिफारिसमा राष्ट्रपति रामचन्द्र पौडेलले मंगलबार वन तथा वातावरण मन्त्रीमा वीरेन्द्र प्रसाद महतो र शिक्षा, विज्ञान तथा प्रविधि राज्यमन्त्रीमा प्रमिला कुमारी नियुक्त गरेका छन् । 

राष्ट्रपतिले संविधानको धारा ७६ को उपधारा ९ बमोजिम मन्त्री नियुक्त गरेर कार्यभार तोकेको राष्ट्रपति कार्यालयका प्रवक्ता शैलजा रेग्मी भट्टराईले जारी गरेको विज्ञप्तिमा उल्लेख छ ।

दुवै मन्त्री उपेन्द्र यादव नेतृत्वको जनता समाजवादी पार्टी (जसपा) हुन् । जसपा सत्ता गठबन्धनका घटक हुन् ।