नवनियुक्त मन्त्रीको शपथ अघि नै बोलाइयो मन्त्रिपरिषद बैठक

१० जेठ, काठमाडौं । प्रधानमन्त्री पुष्पकमल दाहाल प्रचण्डले मंगलबार नियुक्त गरेका मन्त्रीको शपथ अगाडि नै मन्त्रिपरिषदको बैठक बोलाएका छन् । केहीबेरमा मन्त्रिपरिषद बैठक सुरु हुँदैछ । नव नियुक्त मन्त्रीहरूको पद तथा गोपनीयताकाे शपथ ग्रहण अघि मन्त्रिपरिषद बैठक बोलाइएको हो । 

प्रधानमन्त्री प्रचण्डले बिहान ८ः३० बजेका लागि मन्त्रिपरिषद बैठक बोलाएका हुन् । प्रचण्डको सचिवालयका अनुसार नियमित कार्यसूचीमाथि छलफल गर्न बैठक बिहानै बोलाइएको हो ।

नव नियुक्त वन तथा वातावरण मन्त्री वीरेन्द्र प्रसाद महतो र शिक्षा, विज्ञान तथा प्रविधि राज्यमन्त्रीमा प्रमिला कुमारी यादवको पद तथा गोपनियताको शपथ ग्रहण १० बजे हुनेछ ।