संसद बैठकमा रास्वपाको मागः ‘नक्कली शरणार्थी प्रकरणको छानबिन गर्न संसदीय विशेष समिति गठन गरियोस्’

१० जेठ, काठमाडौं । राष्ट्रिय स्वतन्त्र पार्टी (रास्वपा)ले नक्कली भुटानी शराणार्थी प्रकरणको छानबिन गर्न संसदीय विशेष समिति गठन गर्न माग गरेको छ । 

बुधबार बसेको प्रतिनिधिसभा बैठकको सुरुमै रास्वपाका सभापति तथा संसदीय दलका नेता रवि लामिछानेले प्रहरी अनुसन्धानप्रति आशंका व्यक्त गर्दै नक्कली भुटानी शरणार्थी प्रकरणको छानबिनका लागि संसदीय विशेष समिति गठन गर्नुपर्ने माग गरेका हुन् । 

प्रकरणमा पक्राउ परेकाले नाम लिएका व्यक्तिउपर छानबिन नगरेको भन्दै आपत्ति जनाएका लामिछानेले दोषीलाई उम्काउन खोजिएको आशंका पनि व्यक्त गरे ।

यसर्थ, नक्कली भुटानी शरणार्थी प्रकरणको छानबिन गर्न संसदीय विशेष समिति गठन गर्न रास्वपाले माग गरेपछि सभामुख देवराज घिमिरेले यसप्रति आफ्नो ध्यानाकर्षण भएको बताए । 

‘बालुवाटार, सिंहदरबार, गृहमन्त्रालयमा लेनदेन भएको कुरा बाहिरिएको छ, प्रकरणमा थुप्रै मानिसहरूकाे नाम जोडिएकाे छ । प्रहरीले उनीहरुलाई किन बोलाइँदैन ? को हो उहाँहरु ? म आफैं न्यूज रुमबाट पक्राउ परेको व्यक्ति यहाँ छ्ु’ सांसद लामिछानेले प्रश्न गरे । उनले ठूला दलहरुका प्रमुखबीच पटकपटक बैठक बसेका प्रति आशंका लागेको बताउँदै उनले भने, ‘घटना सामसुम पार्नै खोजिँदैछ, हामीलाई यो कुरा सह्य छैन । संसदीय छानबिन समिति बनाउन सभमुखबाट रुलिङ होस् ।’