रास्वपाका सांसदले भने- ‘नक्कली भुटानी शरणार्थी प्रकरणमा आईजीमाथि सोधपुछ गर्नुपर्छ’

१० जेठ, काठमाडौं । राष्ट्रिय स्वतन्त्र पार्टी (रास्वपा)का सांसदहरुले बुधबार प्रतिनिधिसभाको बैठकमा बोल्दै नक्कली भुटानी शरणार्थी प्रकरणमा नेपाल प्रहरीका आईजीलाई सोधपुछ गर्नुपर्ने बताएका छन् । 

बैठकको शून्य समयमा बोल्दै सांसद शिशिर खनालले प्रकरणमा प्रहरीको अनुसन्धानका क्रममा आईजीले अस्वभाविक गतिविधि गरेको भन्दै बोलाएर सोधपुछ गर्न माग गरे । पूर्वमन्त्री समेत रहेका खनालले संचारमाध्यममा आईजीको भूमिकामाथि प्रश्न उठ्ने गरी आइरहेको गतिविधिले निष्पक्ष छानबिनमा शंका उत्पन्न भएको बताए । हाल आईजी बसन्तबहादुर कुवँर छन् ।

अर्का सांसद स्वर्णिम वाग्लेले प्रकरणमा छानबिन र अनुसन्धान चलिरहेका बेला सरकारमा रहेका र बाहिर भएका ठूला दलका नेतृत्वबीच पटकपटक बैठक बस्ने र दोषीलाई छुट दिने तवरबाट चलखेल जारी रहेको उनले बताए । 

राष्ट्रकै बेइज्जती र अपमान हुने किसिमका प्रकरणलाई प्रभावित तुल्याउन ठूला नेताहरुले निष्कृट चुरफुरी गरिरहेका बताए । ‘प्रकरणमा निष्पक्ष अनुसन्धानलाई प्रभावित बनाउने किसिमबाट निकृष्ट चुरीफुरी चलाइरहेका छन्, कतिन्जेल चल्छ त्यो पनि हामी हेरिरहेका छौं’ सांसद वाग्लेले भने ।

आई कुँवर महान्यायाधिवक्ता दीनमणि पोखरेलबीच अनुसन्धान गरिरहेको काठमाडौं प्रहरी परिसरमा टेकुमा पुगेर अनुसन्धान अधिकृतहरुसँग बैठक गरेको समाचार सार्वजनिक भइरहेको बेला सांसदहरुले यस्तो आवा उठाएका हुन् ।

त्यसअघि बोलेका सभापति रबि लामिछानेले प्रकरणमाथिको अनुसन्धान निष्पक्ष हुनेमा शंका र प्रश्न उठेको बताउँदै छानबिनका लागि संसदबाट संसदीय छानबिन समिति गठन गर्न माग गरे ।

राप्रपाका सांसद ज्ञानेन्द्रबहादुर शाहीले आईजी कुँवरलाई निलम्बन गरेर अनुसन्धान गर्न माग गरे । सर्वसाधारणलाई कानून लाग्ने तर ठूला र पदमा बस्नेहरुलाई अनुसन्धानमा नल्याउने भए दुई थरी कानून लेख्नु आग्रह गरे ।