भोलि काठमाडौं उपत्यकाका ३ जिल्लामा सार्वजनिक बिदा

१० जेठ, काठमाडौं । सरकारले भोलि जेठ ११ गते काठमाडौं उपत्यकामा सार्वजनिक बिदा निर्णय गरेको छ । गृह मन्त्रालयले आज एक सूचना जारी गर्दै सोको जानकारी दिएको हो । 

बिहीबार ललितपुरमा रातो मत्स्यन्द्रनाथको भोटो देखाउने दिन रहेको जनाउँदै उक्त अवसरमा उपत्यकाका काठमाडौं, ललितपुर र भक्तपुरमा बिदा दिइएको गृहका प्रवक्ता जितेन्द्र बस्नेतद्वारा जारी सूचनामा उल्लेख छ ।