रौतहटमा गोली प्रहार गरी एक वृद्धको हत्या

११ जेठ, काठमडों । रौतहटमा गोली प्रहार गरी एक जना वृद्धको हत्या गरिएको छ । गोली प्रहारबाट स्थानीय देबाही गोनाही नगरपालिका–१ निवासी ७० वर्षीय शेख तैयाबको मृत्यु भएको हो ।

घरदेखि करिब १ किलोमिटर दक्षिणमा रहेको मन्दिरनजिक बाटोमा गोली हानी हत्या गरिएको अवस्थामा आज बिहान शब भेटिएको छ ।

हत्यामा गाउँकै मजहर आलम भनिने मोगले आलमको संलग्नता रहेको दाबी मृतका परिवारले गरेका छन् । आलमले दुई महिनादेखि धम्की दिँदै आएको र घटनामा उनकै संलग्नता रहेको दाबी परिवारको छ । 

घटनाबारे थप थप अनुसन्धान भै रहेको जिल्ला प्रहरी कार्यालय रौतहटले जनाएको छ । शवलाई जिल्ला अस्पतालमा राखिएको छ ।