रेशम चौधरीको सजाय माफीका लागि सरकारले थाल्यो प्रक्रिया

११ जेठ, काठमाडौं । सरकारले पूर्वसांसद रेशम चौधरीको बाँकी कैद सजाय मिनाहको लागि तयारी थालेको छ । टिकापुरमा २०७२ भदौमा ७ जना सुरक्षाकर्मी र एक नाबालकको मृत्यु हुने गरी भएको हिंसात्मक घटनामा मुख्य योजनाकार ठहर भई जन्मकैदको सजाय पाएका चौधरीको बाँकी सजाय माफीको निवेदन गृह मन्त्रालयबाट राष्ट्रपति कार्यालयमा पुगेको छ ।

माफी दिने विषयमा छलफल गर्न प्रधानमन्त्री प्रचण्ड मंगलबार साँझ राष्ट्रपति कार्यालय पुगेका थिए । जेठ १५  गते गणतन्त्र र असाेज ३ गते संविधान दिवसकाे अवसरमा सरकारले विभिन्न कैदीहरूकाे सजाय माफी दिँदै आएकाे छ ।

कैलालीकाे टिकापुर घटना थारु समुदायले संविधानप्रति असन्तुष्ट जनाउँदै थरुहट संघर्ष समितिको नेतृत्वमा आन्दोलन चलाइरहेको थियो । 

चौधरी संरक्षक रहेका नागरिक उन्मुक्ति पार्टी (नाउपा) अहिले प्रचण्ड नेतृत्वको सरकारमा सहभागी छ । चौधरीको रिहाईलाई मुख्य माग बनाएर नाउपा सरकारमा सामेल भएकाे हो । सर्वाृेच्च अदालतले चौधरीको मुद्दालाई सदर गरेपछि प्रधानमन्त्रीले सरकारले रिहाईको व्यवस्था मिलाउने आश्वसन संसदमै दिएका थिए ।

नाउपा अध्यक्ष रेशमपत्नी रञ्जिता श्रेष्ठ छिन्र । उनी भूमि व्यवस्था मन्त्री बनेकी छन् ।